CERPEN BAHASA BALI

Mengenang masa SMP dulu :)

 RODAN IDUP

Olih : Ni Wayan Maretayani

Ring zamanne mangkin gumine sampun maju. Makasami pelosok-pelosok jagate keni arus globalisasi, mawinang akeh perubahan-perubahan sosial miwah cara hidup manusane sami. Khususne ring Bali, mangkin sampun akeh gedung-gedung nyujuh langit, akeh paumahan-paumahan elit miwah akeh tongos hiburan sane ngendah- ngendah. Kota Denpasar sane kauuningin ibukota Bali sane pinih modern utawi elit, sane mangkin wenten umah sane cenik malakar antuk bedég sane maraab seng utawi umah bédéng. Umah punika magenah ring tongos munduhang leluhu. Umahne punika sampun reod, nenten patut tongosin nanging wenten jadma sane idup irika. Ring umah bédéng punika idup limang diri yowana sane nenten molihang bangku pendidikan utawi tan masekolah. Kelimang diri yowanane punika nenten nyama tugelan sakewala timpal senasib utawi BFF (Best Friend Forever). Kelimang yowanane punika ngorahang ragane ipun sareng sami De Best Sock, sekaa sane kabentuk ben dasar nasib miwah kesetyaan. De punika kaambil saking bahasa Belanda, Best punika kaambil saking bahasa Inggris, lan Sock kaambil saking bahasa Inggris. Sane artinyane tan sombong utawi nenten sombong yening eras-erasang ring bahasa Bali. De Best Sock punika anggotanyane I Glebug, I Badeng, I Béngor, I Koncréng,  lan I Sule.

Makasami madue pakaryan sane melen-melenang. I Glebug dados pemulung, Badeng lan Béngor makadi pengamen utawi jadma sane magending ring jalane lan lampu merah. Koncréng makadi dagang jamu lan Sule makadi tukang sol sepatu keliling ring desa-desa. Makasami nenten masekolah sawireh angge ngajeng manten makasami kari  kirangan. Yadiastun yusane makasami wawu 15 tiban, ipun makasami harus nelahang bayu kanti peluh pidit  mangda nyidayang ngajeng sedina-dina prasida basang ipunne ten puyung manten.

Sebilang wai, sang surya endag ring ba dangin, ipun makasami utawi De Best Sock sampun nyumunang ngaryanang swadarmane. Ipun sareng sami nyumunang ngalih kertas-kertas sane wenten angkane miwah gambar sane dados ciri khas bangsa Indonesia sane mawasta pipis utawi jinah jagi kaanggen nyambung kauripan ipune makasami. I Glebug sane makarya ring tongos munduhang leluu utawi TPA. Glebug nuduk botol yeh sane malakar aji plastik jagi kaadol ring para agen antuk kaolah malih dados barang sane tiosan. I Glebug  mase munduhang KMK (Kemasan Minuman Kertas) sane nyidayang kaolah malih. Nanging ah setengah uli makasami sane kapunduhang kaanggen kerajinan tangan olih I Glebug. Leluu punika kabakta mawali ke umah bédéng jagi kakaryanin pindekan, celeng-celengan, umah-umahan, souvenir miwah sane tiosan. Sepatutyane, I Glebug puniki pinih seneng ngaryanin kerajinan tangan sawireh hobi, wawu nonton ring TV utawi maca ring koran sane sampun lapuk, ipun sampun nyidayang ngae pedidi. Hasil ipunne pinih becik lan ngangobin. I Glebug nonton TV nenten ring umah bédéngné sakewala ring sisi mall utawi ring umah-umah warga sane kadatengin olih I Glebug antuk ngambil leluune.

Selanturnyane hasilne ipun kabakta olih B2 utawi I Badeng lan I Béngor antuk ka tanjain ring mobil-mobil utawi motor-motor sane majejer ring lampu merah utawi lampu ring lampu stopan. Ipun sareng sami biasane magending sambil matanjang kerajinan sane kakaryanin olih I Glebug. I Badeng lan I Béngor pinih seneng magending sawireh sampun dados kasenangan utawi hobi. I Badeng pinih ngangobin Michael Jackson, sawireh Jacko punika penyanyi nomer siki ring gumine ”King of Pop”. Gending sane pinih kasenengin inggih punika ”Heal the world’. Sabilang wai ipun magending ring jalane, terus gending puniki dados andalan ipun.

Sapuniki tembangnyane

There’s a place in your heart

And I know that it is love

And this place could be much brighter than tomorrow

And if you really try

You’ll find there’s no need to cry

In this place you’ll fell there’s no hurt or sorrow

There are ways to get there

If you care enough for the living

Make a little space make a better palace

Chorus;

Heal the world

Make it better place

For you and for me and the entire human race

There are people dying

If you care enough for the living

Make a better place for you and for me

Nyantos puput.

Lianan ring tembang punika, I Badeng mase seneng magending gendingan The Masive sane mamurda ” Jangan Menyerah”. Gending punika sane ngaenang idupne bagia. Gending Jacko sane lianan pinih kasenengin malih, minakadi You’re not alone, Beat it, Man in the Mirror, Balack or White and soon. Eh dadosne tityang ngangge bahasa Inggris nanging ten masalah, ngomongin Michael Jackson nyidayang nyerempet ngangge bahasa inggris. Nanging I Béngor madue idola sane melenang saking Badeng. I Béngor ngangobin Justin Bieber miwah Lolot. Justi Bieber sane suaranyane pinih becik lan kaloktah ring gumine. Lolot grup band sane pinih becik ring Bali. Gendingne sane pinih kasenengin sane mamurda Tresna memaksa. Pepes ipun makakalih nyaiheng tokoh idola ipune. Wenten jelek melahne kanti miyegan munyi. Nanging tan masalah sawireh negara Indonesia inggih punika negara demokrasi bebas memilih. Bebas berekspresi nanging tan dados melanggar undang-undang. Mangkin miyegan, binjepne gen sampun baikan. Seken-seken sawitra forever.

            I Koncreng megae dados dagang jamu keliling. I Koncreng madue cita-cita dados pragawati nanging punika tuah khayalan tingkat tinggi kemanten ( cara gending peterpan Khayalan Tingkat Tinggi). I Koncreng madagang jamu uli semengan kanti kepeteng. Sabilang nanjang jamu koncreng ngorang, ” jamu... mas, jamu dik, jamu mbak” (cara Julia Perez ring film jamu gendonge). I Sule magae dados tukang sol sepatu ring peken. I Sule dot pisan  dados desainner sane terkenal nanging adanne mase takdir, terima apa gen adane.

            Di sampunne sang surya engseb ring kauh, ipun makasami ”De Best Sock” mulih ke umah cenik sane sampun reod punika, sane bolong-bolong antuk ngajeng bareng-bareng lan nyeritain punapi-punapi sane kewentenan sedina-dina ring tongos megaene suang-suang.

            Sabilang a bulan, ipun makasami refreshing utawi ngibur diri ring tongos sane asri. Irika wenten kolam sane béne lucu-lucu, wenten jangolan ben kayu sane ungit-ungit yan iraga negak irika. Ipun sareng sami metuang pikobed sane wenten ring manahnyane. Wenten sane nuwutan gaya Michael Jackson, Justin Bieber, lan Ivan Gunawan sawireh bes dot dadi desainner sane kajanaloka. Wenten mase sane majalan ring ambeng-ambenganne cara majalan ring Catwalk. I Sule mase milu-milu ngelawak nuwutan Sule ring OVJ. Ipun makasami mula kompak pisan. Nanging makalima madue film kesukaan inggih punika scoobydoo. Yadiastun nyeh-nyehan nanging scoobydoo dados pahlawan. Ipun jak lima bagia, bagia lan bagia.

            Nanging ring rahina purnama, wenten petugas sane menggrebek utawi ngejuk jadma sane ten madue umah utawi tuna wisma. De Best Sock punika madue umah bédéng nanging umahne punika umah ileggal sawireh genahne ring TPA gelah pemerintah. Ipun makasami mencar melaib. Sesubane aman De Best Sock ten lengkap. Tuah papat diri manten sane makumpul. Malih asiki ilang. Sane ilang inggih punika Sule. Maka papat punika sebet, ngeling ring sisin tukade. Sane mangkin, ipun makasami sampun keilangan tongos ngetis utawi umah. Nanging bin sebetan keilangan sawitra sane sayangan lan sampun bareng-bareng ajak uli pidan. Ipun makapapat mangkin sampun mawali ngelaksanayang swadarmane suang-suang. Malih nyumunang idup, yadiastun sawitrane malih asiki ilang. Sabilang petengne ipun makapapat ngajeng bareng-bareng, nanging wenten piring lan kursi sane kosong. Genah I Sule biasane negak lan makedekan. Sane mangkin tan wenten sane ngibur cara ipidan. Sing  ada lelucon-lelucon malih. Sane wenten tuah sebet lan merasa pelih. Sawireh pas to makalima tan bareng-bareng nanging pisah-pisah. “Yan tawang kene dadine, nu ngadenang maejuk jak makejang”, I Koncreng ngorahang. ”Ae, nu ngadenang maejuk bareng-bareng paling tuah baanga peyuluhan manten”, IBadeng nimpalin. De Best Sock jak papat sampun ngeling masigsigan sebilang inget dugase Sule ilang.

            Patuh cara biasane, makapapat ngelaksanayang swadarmane. Ngaryanin pakaryan sane sampun biase kalaksanayang. Nanging mangkin ipun sampun ngidayang akidik ngengsapan sebetne. Sawireh yan sebet terus-terusan ten becik antuk ipune makapapat. Sampun duang tiban tan mase wenten kabar saking I Sule. Ipun makapapat tan uning sapunapi idup Sule sane mangkin. Ipun makapapat ngadenang Sule idup melarat utawi sampun tan wenten. Nanging ipun makapapat terus optimis, Sule kari ring gumine.

            Sane mangkin I Sule sampun puput dados tukang sol sepatu keliling. Sane mangkin I Sule dados artis pendatang baru ring jagat hiburan Indonesia. Pas melaib kauber petugas, I Sule nepukin wenten mobil taksi sane mabukak pintune ring lampu merahe. Sawireh penumpangne tuwun numbas akua. Langsung tan malih makeneh doh, I Sule langsung macelep. Sopir taksine makesyab sawireh wenten tamu ten diundang macelep. Nanging I Sule ngorahang, ipun mecelep sawireh wenten preman sane ngender. Penumpange lantas macelep. Penumpang sane sampun rauh inggih punika jadma sane sampun lingsir merasa medalem I Sule, sawireh cucune sane maiyaban teken I Sule sampun padem. Sampun padem sawireh tabrakan mobil ring Jakarta. Nak lingsir punika mawasta Ibu Mersthonia utawi Oma Tonia. Nak lingsir puniki blasteran Indonesia lan Perancis. Oma puniki polos pisan. Pas petugase sampun lewat, Sule nagih pesu ling mobil taksine nanging katembang olih Oma puniki. I Sule terus nangih pesu, Oma terus nembang.

Payu I Sule ajaka ken Oma puniki ke Jakarta, I Sule kaangkat dados cucu Oma Tonia. Sawireh Oma pedidi, tan ngelah keluarga sekat tabrakan maut ring Jakarta 5 warsa sane sampun lintang. Sule merasa pelih sawireh tan ngorang-ngorang makaad joh ring sawitra-sawitranyane. Tan ngorang ring De Best Sock. Ipun merasa sebet ngalin Bali tongos idup I Sule uli pidan. Mangkin I Sule sampun ring Jakarta. Irika I Sule dot pisan nelpon sawitra-sawitranyane. Nanging ipun mara sadar ring umah bedeng tan wenten sane madue telpon. Dot ngirim surat, Sule tan nawang napi adan wilayah TPU ring Denpasar punika sane detail. Napi kari sawitrane irika napi ten, I Sule tan uning. Sane mangkin I Sule sampun biase idup ring Jakarta. Sampun biase kija-kija ngangge mobil, belanja bebas, ngajeng bebas sampun wenten Oma sane nanggung. Naging ring hatine, I Sule merasa tan lengkap, sawireh sawitranyane (De Best Sock) tan uning nasibne mangkin.

Nanging nasibe sampun kaitungan olih Hyang Widhi. I Sule mangkin sampun nyumunang populer ring Jakarta dados aktor. Sampun akeh kontrak sane ngantosan. Kanti I Sule merasa med sawireh tan wenten sadina-dinane santai. Sebilang ke mall, ipun kauber olih para fansne. Pas pedidi, Sule sane mangkin malih inget teken sawitra-sawitranyane ring Bali, ring umah bedeng, tongos ipune idup uli pidan. I Sule mangkin sampun med makarya ring Jakarta, dot ke Bali ngalih sawitra-sawitranyane lan nenangin manahnyane.

Sampun 5 dina, Sule meileh-milehan ngalinang sawitra-sawitranyane. Tan wenten sane tepukina. Tan wenten umah bedenge. Lantas ring sisin tukade, I Sule nepukin I Badeng magending-gending. ”Deng.....deng.....”, sambat I Sule. Badeng maekin nanging tan sadar sane ngaukin ipun i Sule. ”Punapi?”, Badeng nakenan. ”Tityang I Sule”, I Sule nyawis. ”Sule?”, pikir Badeng. ”Tityang Sule, do you remember me?”,pitaken I Sule. ” Are you seriously? Mmm, I remember you Le”,I Badeng nyawis. Asapunika ritatkala ipun makakalih matemu ring sisin tukade. I Badeng kanti bengong nepukin perubahan ring I Sule. Mangkin I Sule kaanter olih I Badeng nyingakin sawitra-sawitranyane ring De Best Sock. Ipun makalima matemu malih lan saling gelut. Makasami bagia tan ngidang ngorahang. Sampun duang tiban pisah sane mangkin malih matemu. I Sule nyritayang unduke pidan. Makapapat nyidayang nerima alasan I Sule. Mangkin I Sule sampun populer, I Sule dot sawitra-sawitranyane mangda senasib sareng ipun. I Sule ngajak sawitra-sawitranyane ke Jakarta. Irika makasami melajah lebih modern.

Sampun a tiban ring Jakarta ngaduang nasib. Makalima mangkin sampun nyidang nyambung idup ulian peluhne pedidi. I Sule dados aktor, I Badeng lan I Bengor dados penyayi, I Koncreng dados model lan I Glebug madue toko kerajinan sane gede ring Jakarta. Makasami bagia, yadiastun tan masekolah nanging ipun dueg bahasa inggris lan madue talenta sane tan kapikayun. Makasami terus inget dugase ipidan ring Bali dados gelandangan, sane mangkin sampun nyidang becikan. Hidup De Best Sock lan jaga gumine, Heal the world make a better place for you and for me.

Puput